Mikel Laboa hil da, belaunaldien arteko zubi eta lokarria

Udazkenean haizeak zuhaitzetako hostoak lekuz mugitzen dituen moduan eraman zuen Mikel Laboa abenduaren lehenengo boladak. Egun euritsuak zipriztindutako arboletan gora egin zuen eta, lurrean, ondo gordeta geratu da bere altxorra. Belaunaldien arteko lokarri izandakoaren ustekabeko heriotzak samina eta dolua eragin zituen azken hamarkadetan bere gordeleku izan den euskal kulturaren munduan.