San Pedro zelaian, elkartasuna eta jaia

Bat Egin Egunak, bigarren urtez, milaka lagun bilduko ditu irailaren 23an Altsasu-Urdiaingo San Pedro zelaian. 18/98 sumarioan eta egitear dauden beste epaiketetan auzipetuta daudenei elkartasuna helarazteko jaia izango da, baina baita ongi pasatzeko eta paraje ezin ederrago horretan arnasa hartzeko eta indarrak biltzeko aukera egokia ere. Auzolana eta elkarlana dira horrelako ekimena antolatzeko oinarri ezinbestekoak. Sakanan ondo baino hobeto dakite hori.