GARA > Eguraldia
Goibel eta euritarako joera
GAUR
Haize nahasia iparretik finkatu eta arratsaldean giroa freskatuko da. Zeru estalia eta euri zarrastak. Barnealdean euri gehiago botako du, baina trumoi gutxiagorekin. Tenperatura dezente jaitsiko da batez ere maximoa. Gauean petraltze aldera egin, ipar-mendebaldeko haizea bizkortu eta euri gehiago botako du lurralde osoan. Goibel eta euri mehatxua Euskal Herri osoan.
ITSASOA
Goizean hegoaldeko haizea ibiliko da, 2-3ko indarrarekin. Itsaso kizkurra edo itsaskirria eragingo du. Eguerdian mendebal eta ipar-mendebaldera egin, 4ko indarra hartu eta itsaskia eragingo du. Iparraldeko hondoko itsasoak metro bete arteko olatuak altxaraziko ditu.
Itsasgora
08.15h 3,80m
20.33h 3,88m
Itsasbehera
--.--h -,--m
14.09h 0,75m
    BIHAR
Ipar-mendebaldeko haizeak laino narrasak eta freskura ekarriko dizkigu. Eguratsaren goi mailan hodei geruza lodia kokatuko da eta Euskal Herri osoa euripean jarriko du. Trumoirik gabeko euri handia barra-barra egun osoan. Tenperaturen jaitsiera nabarmena.		      
Igo