KORRIKA
Korrikak Euskaltzaindia omenduko du ostiralean Donostian
Euskaltzandiaren lan eskerga omendu nahi dute Korrikak eta AEKk datorren ostiralean Kursaaleko kubo txikian arratsaldeko 19.00etan egingo den ekitaldi berezi batekin.
22/03/2011 13:42:00
DONOSTIA-. Ekitaldia Korrika Kulturalaren azken hitzordua izango da eta bertan Euskaltzaindiaren inguruan Mondragon Unibertsitateko hiru ikaslek egin duten dokumentala estreinatuko da.
Gaur goizean Donostian aurkeztuko da “Zenbait gazte ausart” izeneko dokumentala eta bertan izan dira Iker Ugalde, Ekaitz Herrera eta Alexander Silva, filmearen egileak.
Euskaltzaindiaren lehen pausoak, helduen euskalduntzaren sorrera eta euskararen gaur egungo egoerari buruzko hainbat testigantza jaso dituzte lan honetan. Datorren apirilaren 7an Trebiñutik abiatuko da 17. Korrika “Maitatu, ikasi, ari” lelopean.
